Aína decide nun se presentar a les eleiciones del 23 de xunetu
Xeneral |
La militancia d’Aína respondió a la llamada del partíu. Esti domingu 18 de xunu, nel Centru Social Naranco d’Uviéu, toles persones afiliaes a Aína taben convocaes a decidir cuála había ser la postura del partíu énte les vinientes eleiciones. L’actu cuntaba con un puntu clave nel orde del día: la votación, depués del alderique, sobro la participación d’Aína nesti procesu eleutoral. El resultáu nun dexa llugar a duldes. Toles persones asistentes, de manera presencial y tamién online, apostaron por qu’Aína diere un pasu a un llau y nun se presentara.
Siguir trabayando nes sos propuestes p’Asturies, la responsabilidá y la posibilidá d’influyir nes instituciones dende l’esterior foron dalgunos de los argumentos que se sintieron na Asamblea. Les intervenciones dieron muncha importancia tamién a la necesidá d’asturianizar la política, de crear un discursu y una visión propies que lleguen al conxuntu de la sociedá. Foron munches les persones que, como afiliaes, garraron el micrófonu y espunxeron les sos opiniones.
Aína propón l’espardimientu de la rede pública d’Escuelines de 0 a 3 años
El partíu asturianista plantega descentralizar les places, disminuir les ratios y garantizar la calidá del serviciu públicu Aína ta acabante de facer les sos propuestes en rellación a la rede...
Aína apoya munches de les reivindicaciones del sector primariu asturianu
Dende'l partíu deféndese una agricultura y ganadería sostenibles que reanimen el mediu rural asturianu Aína asoleya un comunicáu en defensa del mediu rural asturianu y en solidaridá con munches de...
Seis propuestes p’aprovechar los nuevos presupuestos asturianos
Aína plantega una riestra de midíes nes que sofitar un ameyoramientu na vida de les asturianes y asturianos al traviés de los nuevos presupuestos Tres aldericase na Xunta Xeneral el proyectu de...
Reclamaciones p’ameyorar el tresporte nel valle’l Nalón
El partíu asturianista pon enriba la mesa una retafila midíes p'acabar colos problemes de tresporte nos conceyos que la conformen Dende Aína espublicemos nes nuestres redes sociales un documentu...
Aína celebra el día de les muyeres rurales con un actu el 20 d’ochobre en La Llegra
La Estaya de Feminismu y Derechos Sociales entama una mesa redonda pa poner en valor les vides reales.
Aína col pueblu palestín. Pola llibertá y el derechu a vivir en paz
Les instituciones asturianes han facer tolo posible por poner fin al bañu de sangre, por que se cumplan les resoluciones de la ONU y pa sofitar la creación d’un estáu palestín.
8 S* (*de soberaníes)
Aína celebra una xornada política y de xermandía esti 8 de setiembre.
Aína pide una cai en Llangréu pa la deportista Sara Roces
La xugadora de hoquei llangreana ye una de les meyores deportistes asturianes y amuesa siempre’l so compromisu col conceyu.
Asturies 2027: agora ¡hai partíu!
Zarraes les urnes, queda -dientro y fuera d’elles- un panorama asturianu mui complexu. D’una banda, el mieu a la involución; d’otra, la falta d’ilusión y el contestu a la defensiva. Pase lo que pase paeznos qu’esta vegada nun ye igual qu’otres. Agora sí, Hai Partíu
Hai que tener enfotu
y tirar p’alantre
Si quies facer camín
con nós, afíliate.
Tate sollerte y sofita a Aína
Inscríbite pa tar al día
de tola información
y sofitar el proyectu