Güei entama la campaña electoral d’unes elecciones a les que, como yá sabéis, nun nos vamos presentar. La política nun ye solo votar cada cuatro años. Aunque nun mos presentemos a estes elecciones, tenemos muncho que dicir. Ye por ello que vamos facer Campaña, vamos presentar un Programa políticu y facer un Actu’l domingu 21 de mayu.

Esti programa políticu que tenéis equí sal alantre gracies a la suma de les aportaciones de la militancia y al trabayu que fixeron les diferentes estayes. Son 30 puntos que quieren ser una declaración d’intenciones y que vamos seguir desarrollando y ampliando nos prósimos cuatro años. Queremos facer camín y esti programa ye la ferramienta pa ello.

Pa presentar esti programa vamos facer un actu’l día 21 de mayu a les 12:30 na Sala Gong d’Uviéu, Cai Julián Cañedo S/N.

Queremos cuntar cola to presencia pa siguir faciendo camín. Esto ye solo l’entamu.
#LaÚltimaVezQueNunNosPresentamos
Mesa Nacional d’Aína