Les últimes noticies apunten que dende’l gobiernu español van desoyise les peticiones de soterramientu esixíes poles habitantes de la Zona Oeste
Dende Aína vemos con esmolecimientu les noticies que dende los medios de comunicación informen de les midíes que ta tomando’l Ministeriu de Tresporte d’España alrodiu’l Vial de Xove.
Dende l’entamu d’esta llexislatura y cola decisión de nun facer la obra soterrada, vemos que cada capítulu d’esta historia ye un insultu a la ciudá de Xixón y al vecindariu de la Zona Oeste.
Falóse de facela en superficie, dempués d’una falsa trinchera, incluso de facer una carretera “tipu Guadiana”, con tramos nel aire y otros tapecíos. Agora súmase un viaductu de catorce metros pa salvar les víes na zona de la rotonda de la Casa del Mar. En resume, una llaceria.
Aína ta en tou momento al llau del vecindariu, con unes reivindicaciones xustes y que protexen al Valle de Xove. Nun podemos escaecer qu’esti proyectu lleva 40 años y paez que vamos esperar otros munchos pa velu fechu realidá.
Tamién desiximos al Ayunamientu y al Principáu que nun sigan de perfil. Esti problema de Xixón pue ser l’últimu d’una serie d’obres inútiles como’l metrotrén, estación intermodal… Toes ensin acabar o feches a remiendos.