L’actividá ta fixada pal 17 de payares en La Llegra y va tratar, con motivu del 25P, delles cuestiones clave sobre violencia de xéneru
Coincidiendo col 25P, Día Escontra les Violencies Machistes, esti domingu 17 dende les 10.30h a les 13.30h en La Llegra, la Comisión de Mocedá d’Aína entama la formación “Violencia de xéneru: realidaes, retos y propuestes d’aición”. Silvia Fernández García -compañera y Coordinadora d’Aína- va impartir esta actividá abierta a tola militancia, previa inscripción, con places llendaes. Les persones que quieran participar han responder al corréu unviáu pol partíu enantes d’esti sábadu 16 a les 14h.
Nesta formación vamos deprender conceutos básicos y, amás, responder a les siguientes entrugues:
¿Qué relación tien la masculinidá cola violencia? ¿cuáles son los indicadores de la violencia de xéneru? ¿La violencia de xéneru tien impactu na reciella? ¿Hai un perfil de maltratador? ¿Y de maltratada? ¿Por qué les víctimes nun denuncien y/o nun dexen la relación? ¿Cómo podemos acompañales? ¿Qué recursos? ¿Podemos prevenir la violencia de xéneru? ¿Cómo afecta la violencia machista a la mocedá? ¿Cuáles son los retos dende les alministraciones públiques?