Na tarde d’ayeri, la xente de los conceyos de Siero y Norema celebró’l so primer alcuentru llocal.
Nél punxéronse enriba la mesa cuestiones diverses, de les que destaquen la falta de polítiques sociales que dean vida a estos conceyos y que faigan d’ellos proyectos de vida, trabayu y espardimientu, diendo más allá de ser “ciudaes dormitoriu” d’Uviéu.
Amás, tuvieron presentes tamién otres cuestiones como l’ameyoramientu de los servicios públicos, les infraestructures nes parroquies del rural y la dificultá que tien la mocedá p’acceder a la vivienda.
Otru de los temes trataos foi la falta d’escucha de les instituciones llocales a les munches idees y demandes que proponen les asociaciones vecinales d’estos conceyos.
Con esta, son yá 7 les agrupaciones llocales que siguen abriendo camín y entamen a trabayar con ilusión y enfotu por esa meyor versión posible d’Asturies, construyida dende los conceyos.