Esti añu ye especial. Entama un ciclu electoral y Asturies precisa un polu políticu propiu, que defenda lo nuestro ensin complexos y con voz propia.
Nun val namás con mirar. Hai que tar. Ye’l momentu d’emburriar. Poro, esti Día d’Asturies, vémonos en Mieres:
📍 Parque Xovellanos, Mieres
🕐 13:00h — Actu políticu
🎸 13:30h — Conciertu de Rubén Bada
🥗 14:30 — Xinta na Sidrería El Meollo (pa esto ye preciso apuntase, contacta con nos)
Un polu p’Asturies, un pasu alantre.
Ye’l momentu de xuntanos, de venos, de dicir en voz alta que queremos una Asturies que gane, que decida, que tenga futuru. Que queremos ver y facer la so meyor versión. Y esi futuru entama esti 8 de setiembre, en Mieres, con tola xente que crea que ye posible.
Nun lo pierdas. Trai a quien pueas. Esti pasu démoslu xuntos. A comuña.
