L’asamblea va desendolcase’l próximu domingu 20 d’ochobre en Sotrondio y nella van aldericase les estratexes de trabayu pa esta iniciativa
El cursu políticu 2024/2025 ta acabante d’entamar y Aína tien que siguir apurriendo la so visión tresformadora de la realidá asturiana hasta llevanos a una fecha clave, la de les eleiciones autonómiques y conceyiles de 2027.
Ye por ello que la Mesa Nacional convoca a la militancia y los/les inscrites a una Xuntanza #Asturies2027: asamblea de trabayu y alderique que va tener llugar el próximu domingu 20 d’ochobre de 10:15 a 13:00 hores nel Aula Cultural Onofre Rojo de Sotrondio (Samartín del Rei Aurelio).
Ellí vamos presentar la estratexa #Asturies 2027 y el videu que la introduz. Amás, vamos aldericar qué pasos y plazos concretos podemos dar dende les Estayes de Trabayu y les Agrupaciones y dende’l llabor, pequeñu o grande, de caúna de nosotres, afiliaes y inscrites.
Al empar, aprovechamos la ocasión pa sacar una tirada de camisetes coles que facer más visible esti proyeutu y que vais poder mercar al traviés de la nuestra TIENDA.
Tamos averándonos a un momentu decisivu na curtia hestoria del partíu y fai falta la participación de toes pa llevar esta visión nueva a tolos requexos d’Asturies. Esperámosvos.