Esti xueves acompañemos a les trabayadores de les Escuelines de 0 a 3 años na so manifestación n’Uviéu depués de les dos xornaes de fuelga. Dende Aína queremos amosar el nuestru sofitu y tola solidaridá pola so llucha, asina como reconocer el llabor esencial que desendolquen.
Defendemos la educación de 0 a 3 años como una de les etapes más importantes na formación de la nuestra reciella. Apostar por una rede pública, universal y de calidá nun ye namás una cuestión educativa, sinón tamién social y estratéxica. Pa ello, ye imprescindible que les trabayadores tean nel centru d’esti modelu, con condiciones llaborales dignes que garanticen el so bientar y, con ello, la calidá del serviciu qu’ufren.
N’Aína tenémoslo claro: Les Escuelines han ser un elementu fundamental pa construyir la meyor versión d’Asturies. Un país que mira al futuru ye’l qu’invierte na so infancia y nes persones que la cuidien y eduquen.