Dende’l partíu siguimos afitando contautos con asociaciones afines al nuestru mou de ver Asturies
Aína sigue estableciendo víes de comunicación con distintes asociaciones y coleutivos colos que compartimos idees de lo que queremos pal nuestru País. Con esi envís, ayeri aconceyemos n’Avilés coles compañeres de la Coordinadora Ecoloxista d’Asturies.
Alderiquemos sobre los movimientos ecoloxistes nel nuestru territoriu, tolos frentes abiertos nos que trabaya la coordinadora y les xeres compartíes. Siguimos texendo rede con ellos y elles pa futures acciones porque l’ecoloxismu ye ún de los pegoyos pa construyir un país nel que pague la pena vivir.