Esta nueva vía de comunicación ye d’accesu abiertu y permite tar al día de les noticies sobre’l nuestru partíu
Aína tien una nueva vía de contautu abierta pa que cualesquier persona, militante o non, puea tar sollerte a les novedaes del partíu. La canal de Whatsapp xurde de la última actualización de l’aplicación de mensaxería y va utilizase pa esparder les nuestres noticies d’un mou rápidu y cenciellu.
Pa apuntase a la canal y convidar a tola xente que creáis que puea tar interesao n’Aína basta con acceder a esti enllaz y activar les notificaciones.
Xuntes, d’esta miente, vamos facer camín nuna Asturies que, garrando les blimes del pasáu, imaxine y construya l’Asturies del futuru.