Siguimos cola ronda de contautos con otres organizaciones dientro del proyeutu “Asturies 2027”
Esti vienres la nuestra coordinadora xeneral, Silvia Fernández, y el nuestru voceru, Teban González Corteguera, aconceyaron cola diputada del Grupu Mistu na Xunta Xeneral Cova Tomé. Al alcuentru asistieron tamién los miembros del so equipu Laura Tuero y Xune Elipe.
La cita enmarcóse dientro’l nuestru proyeutu “Asturies 2027” nel que tamos estableciendo víes de comunicación con organizaciones afines a nós. L’intercambiu d’opiniones resultó abondo provechosu y arriquecedor y Tomé ufrióse “como altavoz en cualquier cuestión” que queramos treslladar a la Xunta Xeneral porque, según afirmó énte los medios, “nos xunen munchos puntos de les nuestres propuestes programátiques y de la nuestra forma de ver y querer a Asturies”.