Los productos, col mensaxe identificativu “Hai camín”, van tar disponibles na nuestra páxina hasta’l próximu 14 d’ochobre
Aína avanza na so presencia mediática non solo al traviés de les redes col videu de la campaña #Asturies2027, sinón que tamién tamos d’estrena nes cais coles camisetes #HaiCamín.
Les prendes amuesen unos tonos blancos y verdosos, en sintonía cola estética del partíu, y un collage con imáxenes que representen la tradición de la nuestra tierra y dalgunos de los actos nos que participemos dende la nuestra creación.
El preciu de los productos ye de 12 euros más gastos d’unviu (en casu de que se produza) y el tiempu pa mercales ta llendáu hasta’l llunes 14 d’ochobre a les 14:00, polo menos pa esta primer tirada.
Toles persones interesaes en mercales van tener la oportunidá d’acutales al traviés d’esta mesma páxina, concretamente enllenando’l formulariu que vais atopar darréu.
Si queréis facer camín con nós y sentísvos arguyoses d’ello, ¡nun duldéis y acutái yá la vuesta camiseta #HaiCamín!