La convocatoria repentina d’eleiciones y los sos plazos volvieron mui contáu’l tiempu pa la organización y toma de decisiones. Nesti contestu, Aína considera qu’Asturies como país y, dientro d’ella, la esquierda, precisa una representación propia ya independiente nel próximu Congresu de los Diputaos. A eso llamámoslo “Candidatura de país”.
El númberu amenorgáu de diputaos/es de territorios con una sola circunscripción —siete nel nuesu casu, de los que cinco o seis se reparten ente los grandes partíos, que voten según les ordes de Madrid — asitia les posibilidaes de representación de la esquierda asturiana nuna o dos actes. Pa consiguiles, Aína considera que les sigles de los partíos y movimientos han quedar nun segundu planu, y los sos líderes orgánicos tienen de dar la representación a una persona o persones de consensu n’Asturies, que defendan en Madrid la nuesa tierra, la llingua, los recursos y los derechos de les trabayadores del nuesu país.
Tres la so xunta d’urxencia, el Conseyu Nacional d’Aína refrendó la propuesta d’abrir conversaciones colos partíos y movimientos d’Asturies que concuerden nestos oxetivos, na certeza de que suponen una garantía escontra la involución democrática que se dibuxa nel estáu.
Asturies precisa persones que falen nel so nome y rindan cuentes a los sos votantes nes próximes Cortes.
CANDIDATURA DE PAÍS:
