• Skip to primary navigation
  • Skip to main content
  • Skip to footer
Aína Asturies

Aína Asturies

Hai camín

  • Iniciu
  • Programa
  • Estructura
  • Actualidá
  • Aína d’una güeyada
  • Opinión
  • Documentos
  • Tresparencia
  • Contactu
  • Xúnite
Home » Actualidá » Aína sofita la Fuelga Xeneral

Aína sofita la Fuelga Xeneral

11 de payares 2026 por noticies

Aína sal a les cais d’Asturies esti miércoles 11 de payares, día de la Fuelga Xeneral, con toles demás trabayadores del país.

Salimos por una vida como tien que ser pa tola xente que vive y trabaya n’Asturies. Porque más y más trabayadores s’esfuercien día a día y nun-yos da pa tener casa o p’arrendala. Porque los salarios siempres menguantes nun valen pa pagar la lluz y la calefacción n’iviernu, los servicios de la casa, la ropa, la comida, los cuidaos o’l tresporte pa dir a trabayar o estudiar.

La lóxica del capitalismu ye la d’acumular. Pa ello tien que producir más y más, contaminando y esplotando a gran escala unos recursos naturales que nun son infinitos. Tien qu’aforrar en gastos robando esos recursos al Sur Global y tamién a países como Asturies. Impón “austeridá” a les trabayadores y busca y produz guerres que subvenciona quitando servicios públicos.

Sicasí, nun son namás los gobiernos centrales los que nos roben asina a les trabayadores. El gobiernu asturianu de Barbón y Zapico tamién corrió a gastar más de 8 millones colos que pagar suelu pa una empresa española que fai negocios con empreses israelíes d’armes pal xenocidiu en Palestina. Eso mientres dexaron de construyir 9.000 cases de protección de planes anteriores de vivienda al tiempu que pal nuevu namás van construyir 1.500.

Lo más grave ye que nos quieran engañar, que se nieguen a tensionar el centru d’Asturies, onde los arriendos yá suponen casi’l 50% del sueldu de les asturianes; qu’apuesten polos emplegos basura y de temporada, con una turistificación que tien muncha responsabilidá na xuba brutal del costu la vivienda y na pérdida de poder adquisitivu de les asturianes; que la so falta de proyectu p’Asturies desprecie’l papel de les villes y conceyos nun desarrollu sostenible y equilibráu del país al tiempo que convierten el sistema ferroviariu asturianu nun cementeriu de trenes que lleguen tarde, mal y nunca. Too eso y más mientres escuenden que son ellos los responsables másimos porque l’Estatutu d’Autonomía d’Asturies diz nel so artículu 10 que’l gobiernu d’Asturies tien la competencia exclusiva en vivienda.

Por eso, n’Aína vamos salir a la cai a facer fuelga’l miércoles 11 y tolos díes que faiga falta. Porque les asturianes queremos decidir qué Asturies queremos.

Poles nuestres soberaníes y autogobiernu. Pola vivienda, los salarios y los servicios públicos. Contra’l rentismu, el capitalismu y los sos gobiernos.

Categorizau en: Actividaes, Comunicáu Etiquetáu como: Asturies, Asturies2027

Footer

Hai que tener enfotu
y tirar p’alantre

Si quies facer camín con nós...

AFÍLIATE

Pa tar al día de tola información
y sofitar el proyectu...

Tate sollerte y sofita a Aína

INSCRÍBITE

aina-asturies.org | 2026