Col escritu “Los nuestros derechos, la nuestra soberanía”, salimos a les cais pa denunciar la discriminación contra les persones LGTBIQ+
El pasáu 29 de xunu l’asociación XEGA organizó los actos pol Día del Arguyu LGTBIQ+ en Xixón y, un añu más, dende Aína sumámonos a la manifestación que salía del Paséu de Begoña pa festexar pola diversidá que caracteriza a la nuesa tierra y reclamar derechos y respetu pa les persones del colectivu.
El nuestru partíu ayudó a tiñir de color les cais pa denunciar la violencia hacia les persones LGTBIQ+, la falta de polítiques públiques qu’aseguren la igualdá real de les persones del colectivu o la discriminación por cuestión d’orientación ya identidá sexual. Esti sábadu, sicasí, tamién salimos pa reivindicar la diversidá y mostranos arguyoses de lo que somos.
Cola nuestra pancarta lluciendo la fras “Los nuestros derechos, la nuestra soberanía” celebramos y glayamos porque queremos vivir nuna Asturies plural, llibre y arguyosa.