L’alcuentru prodúzose como parte del nuestru proyeutu #Asturies2027 pa texer rede con otres organizaciones
La selmana pasada aconceyemos col diputáu asturianu Rafa Cofiño, conociendo’l so trabayu nel Congresu, intercambiando opiniones y tresmitiéndo-y les nuestres propuestes. Un alcuentru seriu, mui interesante y del que salimos con bones sensaciones.
Ún de los temes que tratemos foi la falta de pesu d’Asturies nel Estáu, tamién la necesidá d’aumentar la nuestra autoestima como pueblu, puxando pola cultura y les llingües propies como forma de facer país.