Aína presenta un decálogu pa los diputaos y diputaes asturianes nel Congresu

El partíu asturianista ta acabante espublizar diez compromisos que los representantes d’Asturies habríen defender na próxima llexislatura

Nuna Asamblea Nacional Estraordinaria celebrada nel mes de xunu, la militancia d’Aína decidió que’l partíu nun se presentara a estes eleiciones estatales del 23 de xunetu. Sicasí, otru de los alcuerdos algamaos consistía na elaboración d’una riestra de midíes coles que les diputaes y diputaos asturianes teníen de comprometese.

Agora, Aína vien d’asoleyar estes midíes en forma de decálogu. Trátase d’un conxuntu de diez propuestes qu’entamen con un mensaxe claru: la defensa de los intereses d’Asturies y del pueblu asturianu perriba de los del propiu partíu. Tres esta declaración d’intenciones, apaecen otros nueve puntos rellacionaos con estremaes competencies del Estáu. Dalgunos d’ellos son l’aumentu d’inversiones n’Asturies, el fin del peaxe del Güerna, la meyora del tresporte de cercaníes, la llucha escontra les violencies machistes o l’apuesta pola salú mental.

Aína unvió esti decálogu a los partíos políticos democráticos que se presenten n’Asturies a estes eleiciones estatales, esperando que garren el compromisu de cumplir con estes midíes que dende’l partíu asturianista consideren dalgunos pegoyos básicos pa la defensa d’Asturies nel Congresu y nel Senáu. 

Puedes ver el decálogu a continuación:

Decálogu de compromisos de les diputaes y diputaos asturianes nel Congresu